Moderatorja Dojna Mema ka reaguar sërish pas deklaratave të bëra nga Kiara Tito ku kjo e fundit mohoi se e kishte hequr Dojnën nga ndjekësit në rrjetin social Instagram.

Por Dojna Mema, si gjithmonë e qartë dhe pa dorashka, këtë të mërkurë në një Instastory, nuk ka vonuar duke publikuar një komunikim në WhatsApp ku një person e informon Kiara e kishte hequr nga Instagrami.

Në mesazh, Dojna i përgjigjet se nuk i ka bërë asgjë që të meritojë një veprim të tillë, “Unë as nuk kam folur keq”, shkruhet në sms.

Më tej, ajo komenton situatën duke theksuar se “Mua kur më bëjnë një pyetje direkte, qoftë kjo edhe para kamerave, kam mjaftueshëm këllqe për të dhënë përgjigje të drejtpërdrejta. E bëj edhe për rehatinë time se s’më duhet të mbaj mend gënjeshtrat e të përfundoj duke i besuar edhe vetë.”

Mema më tutje la të kuptohej se nuk ka interes për të vazhduar këtë debat, duke shtuar se “Thënë kjo, tema është e varfër, ndaj nuk shoh ndonjë interes të veçantë për ta tjerrë më shumë se kaq publikisht. Ditë të mbarë.”