Kavaja Hospital u themelua nga një mjek që i ka kushtuar jetën kirurgjisë dhe kujdesit për pacientët, Prof. Ass. Dr. Floren Kavaja. Spitali lindi nga dëshira e tij për të krijuar një vend ku njerëzit të mos marrin vetëm trajtim mjekësor, por edhe mbështetje, siguri dhe shpresë. Me më shumë se 20 vite përvojë dhe një ekip profesionistësh të përkushtuar, vizioni i tij u shndërrua në një qendër moderne shëndetësore ku çdo pacient trajtohet me respekt dhe humanizëm.

I vendosur në Magjistralen Prishtinë–Ferizaj, spitali është i hapur 24/7, në mënyrë që askush të mos mbetet pa ndihmën e nevojshme në kohën më të rëndësishme. Çdo ditë, qindra pacientë gjejnë jo vetëm diagnozë dhe trajtim, por edhe qetësi, sqarim dhe një ekip që i qëndron pranë në çdo hap. Ky është vendi ku teknologjia moderne takohet me përkushtimin njerëzor.

Sot, Kavaja Hospital ofron një gamë të gjerë shërbimesh — nga kirurgjia e përgjithshme dhe abdominale, deri te ortopedia, endoskopia, ORL, logopedia, radiologjia dhe kirurgjia vaskulare. Një fokus i veçantë mbetet kirurgjia bariatrike, e cila ka ndryshuar jetën e shumë pacientëve duke iu rikthyer shëndetin dhe vetëbesimin. Çdo shërbim ofrohet me të njëjtin qëllim: të sjellim rezultate të sigurta, profesionale dhe një përvojë që pacienti e mban mend me mirënjohje.