Shikoni momentin prekës dhe emocional kur një vajzë e vogël merr dhurata për Krishtlindje në vendin e prehjes së babait të saj, pasi ai u vra tragjikisht në një aksident. Kayleigh Ruth, 33 vjeç, vendosi dhurata në varrin e partnerit të saj të ndjerë dhe e çoi vajzën e saj Phoebe Lou, dy vjeç, për ta vizituar atë.

Ajo i tha vajzës së saj, e cila lindi pasi babai i saj u vra, se “babai i kishte dërguar dhurata nga qielli për Krishtlindje”. “Edhe pse Lewis nuk pati mundësi ta takonte vajzën e tij të vogël, unë prapë dua që ai të jetë pjesë e jetës së saj”, tha Kayleigh, nënë e dy fëmijëve.

Vajza e madhe e Kayleigh, Lottie, 13 vjeç, filmoi momentin e veçantë dhe fytyra e Phoebe Lou ndriçoi ndërsa hapi dhuratat dhe i dërgoi një puthje babait të saj, Lewis.

Lewis Taylor ndërroi dy ditë para Krishtlindjeve në vitin 2020, pasi motoçikleta e tij u përplas me një makinë. Dita e vdekjes së tij, tragjikisht, ishte gjithashtu ditëlindja e vajzës së tij të dytë, Lottie-t.