Ish-banori i Big Brother VIP Albania dhe aktori i njohur Julian Deda ka reaguar në rrjetet sociale lidhur me debatin e fortë që është zhvilluar së fundmi në shtëpinë e reality show-t, mes Selin dhe Rogertit.
Përmes një InstaStory, Deda ka kritikuar ashpër deklaratën e Selin gjatë debatit me Rogertin, duke e cilësuar të papranueshme përmendjen e fëmijës së tij në lojë. Sipas aktorit, tensioni i nominimeve shpesh i shtyn banorët të thonë gjëra që nuk duhet të thuhen.
“Selin i mallkon Rogertit djalin dy vjeç dhe Gimbo e miraton këtë. Çfarë nuk nxjerr nga goja njeriu kur e kap halli i nominimit. Edhe djali i Hitlerit të ishte, nuk mallkohet një fëmijë 2 vjeç për një lojë”, shkroi ai.
Me këtë reagim, Julian Deda thekson se, pavarësisht se bëhet fjalë për një lojë si Big Brother VIP Albania, ka disa kufij që nuk duhen kaluar, sidomos kur përfshihen fëmijët në debatet mes banorëve.
