Në “Ferma VIP”, afrimiteti mes Indrit dhe Vanesës, i cili ishte vënë re edhe më herët, duket se ka marrë një tjetër kthesë gjatë mbrëmjes së djeshme.

Gjatë festës për ditëlindjen e Klodit, dyshja janë parë më të afërt se zakonisht, duke kaluar nga momentet e zakonshme të përkujdesjes dhe komunikimit, në çaste më intime. Nuk kanë munguar as puthjet intime dhe përqafimet e ngrohta, duke e bërë të qartë se marrëdhënia mes tyre ka avancuar në një tjetër nivel.

Ky zhvillim vjen pas disa ditësh ku mes tyre ishte vënë re një kimi e dukshme, megjithatë pa u shprehur hapur në këtë formë. Mbrëmja e djeshme duket se ka qenë një pikë kthese për raportin e tyre.

Kujtojmë se në një nga spektaklet e mëparshme, Vanesa ka deklaruar se është në një lidhje jashtë fermës dhe se është përpjekur të ruajë balancat për të mos lënduar askënd.

Ndërkohë, Indri ka shprehur hapur pëlqimin e tij ndaj saj, duke e vlerësuar si një vajzë me cilësi të veçanta. Mbetet për t’u parë se si do të vijojë ky raport në ditët në vazhdim dhe çfarë ndikimi do të ketë në dinamikat brenda fermës.