Pas përfundimit të eksperiencës së tij në Big Brother VIP Albania 5, Armir Shahini, i njohur për publikun si Miri, është rikthyer pranë familjes, duke shuar përfundimisht thashethemet për një krizë në martesën e tij.

Ditët e fundit në rrjet kishin qarkulluar aludime për një distancë mes tij dhe bashkëshortes, Rabea Shahini, por pamjet e publikuara nga vetë ai tregojnë një realitet krejt tjetër. Në një video të ndarë në Instastory, Miri shfaqet duke përqafuar me emocion vajzën e tij, ndërsa pranë tij është edhe Rabea.

Ajo që tërhoqi më shumë vëmendje ishte afrimiteti i çiftit në momentin e ribashkimit. Ata duken të qetë dhe të dashur me njëri-tjetrin, madje shkëmbejnë edhe një puthje, duke rrëzuar çdo dyshim për probleme mes tyre.

Nga ana tjetër edhe Rabea ka reaguar në rrjetet sociale, duke postuar një selfie krah Mirit. Të dy shfaqen të buzëqeshur, ndërsa ajo e ka shoqëruar foton me fjalët “Ju përshëndesim” dhe një emoji zemre. Në sfond dëgjohet kënga Në krahët e tua do jem nga West Side Family, një zgjedhje që u interpretua si një mesazh për marrëdhënien e tyre.

Ky ribashkim vjen pak pasi Miri kishte sqaruar publikisht se mungesa e bashkëshortes gjatë finales së spektaklit lidhej me angazhimet e saj në Gjermani dhe jo me ndonjë problem në çift. Kujtojmë se ai arriti deri në finalen e madhe të formatit, duke u renditur i dyti. Me zhvillimet e fundit, duket se çifti ka lënë pas çdo zhurmë mediatike, duke treguar se lidhja e tyre vijon e qëndrueshme.