Një debat i ashpër ka shpërthyer në “Ferma VIP” mes Mozës dhe Sarës, ku situata degradoi deri në përfshirjen e fëmijëve të konkurrenteve.

Gjatë një përplasjeje në fermë, Moza iu drejtua Sarës me fjalët: “Ik në kopsht bashkë me fëmijët e tu”, deklaratë që e preku rëndë Sarën, e cila shpërtheu në lot.

Nga ana tjetër, Sara e akuzoi Mozën si “manipuluese”, duke i kërkuar që të kërkonte ndjesë për fjalët e thëna.

Përplasja u diskutua edhe gjatë “Prime” të mbrëmjes së djeshme, ku opinionisti Ermali u shpreh i zhgënjyer nga situata.

“Më erdhi keq që i pashë. Nuk është bukur që dy gra të zihen në atë formë”, tha ai.

Ndërkohë, Moza vazhdoi të këmbëngulte se nuk ka pasur qëllim të përfshijë fëmijët në debat.

“Nuk ia preka fëmijët. I thashë ‘shko me kalamajtë në kopsht’. E kisha për sjelljen e saj fëminore”, u shpreh ajo, duke shtuar gjithashtu: “Fëmijët e Sarës i përshëndes”.