Pas deklaratave të Einxhel Shkirës për ftohjen e marrëdhënieve me disa prej miqve të saj, ka ardhur edhe reagimi i parë publik nga moderatorja Argjira Spanca.

Gjatë një interviste për platformën “Artistët Shqiptarë”, ku ishte e shoqëruar nga partneri i saj, Graciano Tagani, Argjira u pyet për raportin me Einxhelin dhe u shpreh se mes tyre nuk ka pasur ndonjë konflikt konkret.

“Me Einxhelin, e di që duket e pabesueshme, por nuk ka ndodhur diçka specifike. Më tepër ka qenë si një keqkuptim nga ana e saj. Me kohën do të sheshohen gjërat dhe ajo do ta kuptojë që gjërat nuk kanë qenë aspak siç i ka marrë,” tha moderatorja.

Edhe Graciano Tagani komentoi situatën, duke theksuar se vazhdon të ruajë respekt dhe vlerësim për Einxhel Shkirën.

“Jo, unë e dua shumë! Janë ca muhabete gocash që s’kanë lidhje fare. Por prapë, Einxhelin do ta mbaj mend si vajza që më është gjendur pranë në momente të vështira. S’ka ndodhur asgjë, ne e duam shumë,” u shpreh ai.