Këngëtarja Gili ka rikthyer një kujtim të rrallë nga viti 1985, duke publikuar një fotografi të vjetër nga periudha e grupit “Trio Rona”.

Në foto, Gili shfaqet së bashku me bashkëshortin e saj, Ilir Berani, dhe këngëtaren Aida Buraku. Pamja sjell stilin karakteristik të artistëve shqiptarë të viteve ’80, nga veshjet te modelet e flokëve.

“Pa filter, pa AI”, ka shkruar Gili krahas fotografisë, duke theksuar se bëhet fjalë për një imazh autentik nga arkiva e saj personale.

Postimi vjen në një kohë kur në rrjetet sociale po qarkullojnë fotografi të krijuara me inteligjencë artificiale, përmes të cilave personazhe të njohura rikrijojnë pamjen e tyre në vitet ’80.

Edhe artiste të tjera, mes tyre Shyhrete Behluli dhe Adelina Ismaili, i janë bashkuar së fundmi trendit nostalgjik, duke publikuar fotografi nga vitet e hershme të karrierës së tyre.

Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.