Lotina Haziri ka ndarë me ndjekësit një nga momentet më të ëmbla të jetës së saj si nënë, duke publikuar për herë të parë një foto të Mozzik me djalin e tyre të vogël.

Në fotografinë e postuar në Instagram, reperi shfaqet duke mbajtur në krahë vogëlushin Oz, teksa nuk e fsheh lumturinë në këtë kapitull të ri të jetës së tij.

Krahas imazhit, Lotina ka zgjedhur vetëm dy fjalë për të shprehur atë që ndjen: “Gjithçka e imja”, një dedikim i shkurtër, por plot emocion.

Çifti mirëpriti djalin e tyre më 16 tetor, ndërsa për Lotinën kjo është përvoja e parë e mëmësisë. Mozzik, nga ana tjetër, është edhe babai i Hanës, vajzës që ka nga marrëdhënia e mëparshme me reperen Loredana Zefi.