Djali i vogël i reperes së famshme Cardi B dhe futbollistit amerikan Stefon Diggs ka festuar ditëlindjen e tij të parë. Për të shënuar këtë moment të veçantë, artistja ka publikuar në rrjetet sociale disa fotografi të ëmbla me të birin, të shoqëruara me një dedikim plot dashuri dhe emocione.

Përmes një postimi në Instagram, Cardi B ka shprehur ndjenjat e saj për vogëlushin, duke treguar se ai është kthyer në një burim force dhe lumturie, veçanërisht gjatë një periudhe të vështirë të jetës së saj.

“Gëzuar ditëlindjen e parë, Gray M. D.! Ka kaluar vetëm një vit që kur të njoha, por ndihem sikur të kam pasur pranë që gjithmonë”, shkroi Cardi B në dedikimin e saj.

“Ti i dhe një kuptim krejt të ri asaj që do të thotë një ‘ditë gri’. Ti ndriçon jetën time dhe çdo dhomë ku hyn, me buzëqeshjen tënde, të qeshurën dhe shpirtin tënd të mrekullueshëm”, përfundoi reperja.