Streçet e kombinuara me një bluzë të gjerë dhe atlete kanë qenë për një kohë të gjatë zgjedhja e preferuar për një  veshje të rehatshme të përditshme. Megjithatë, në vitin 2026, kjo mënyrë veshjeje po ia lë vendin një kombinimi tjetër, po aq praktik, por me një pamje më të kuruar.

Bëhet fjalë për një veshje me tre elemente kryesore: një xhaketë me jakë të ngritur,  pantallona sportive të gjera dhe atlete. Kombinimi bashkon rehatinë me një pamje më elegante, duke e bërë të përshtatshëm si për daljet e përditshme, ashtu edhe për takimet informale.

Një shembull i këtij kombinimi është aktorja Jennifer Lawrence, e cila u fotografua së fundmi në Nju Jork me një xhaketë të zezë me jakë të ngritur, pantallona sportive dhe atlete.

Ajo që e bën këtë veshje interesante është kontrasti mes elementeve. Pantallonat sportive i japin një pamje të lirshme dhe sportive, ndërsa xhaketa me jakë të ngritur e bën kombinimin të duket më i rregullt dhe i menduar. Atletet plotësojnë veshjen, duke ruajtur rehatinë.

Për ta krijuar këtë kombinim, nuk është e nevojshme të ndiqet një model i caktuar. Një xhaketë e thjeshtë me jakë të ngritur, pantallona sportive me prerje të lirshme dhe një palë atlete të preferuara janë të mjaftueshme.

Ngjyrat neutrale, si e zeza, grija, bezha dhe e bardha, janë një zgjedhje e mirë për një pamje të thjeshtë dhe të kombinuar lehtësisht. Ndërsa ato që preferojnë pak më shumë karakter mund të luajnë me pantallona me vija anësore ose xhaketa me prerje më të veçanta.