Anxhela Peristeri ende pa u ngjitur në skenën e Eurovizionit ka marrë vëmendjen e të gjithëve! Veshja e saj në tapetin e kaltër të festivalit jo vetëm që s’kaloi pa u vënë re, por u votua si më e bukura mes gjithë të tjerëve me plot 7,417 vota.

Këngëtarja mbante veshur një fustan të kuq, krijim të Valdrin Sahitit, kombinuar me një kapele të kuqe gjigande dhe doreza që i shtonin hijeshinë pamjes.

Në fakt s’është hera e parë që një krijim i Valdrin Sahitit vlerësohet si veshja më e bukur e Eurovizion-it. Në 2015-ën, stilisti i famshëm dizenjoi look-un e Elhaida Danit, e cila gjithashtu u votua si e veshura më bukur në eventin e atij viti.