SHBA- Artistja shqiptare me famë ndërkombëtare, Rita Ora, do të bëhet pjesë e kastit të filmit të ri fantastiko-shkencor dhe thrillerit aventuresk “The Signalers”. Ajo do të ndajë ekranin me aktorin Tom Hopper, i cili njihet për disa seriale përfshirë “The Umbrella Academy” dhe “The Terminal List”.

Këngëtarja do të bashkëpunojë gjithashtu edhe me aktoren e re Mila Harris, e cila po shënon ngritje në Hollyëood përmes projekteve “No Exit” dhe “Mary”.

Në kastin e filmit janë përfshirë gjithashtu aktorët Missi Pyle, e njohur nga “Galaxy Quest”, dhe Nolan North, i cili ka marrë pjesë në “Uncharted”. Në role mbështetëse do të paraqiten edhe Paulina Alvarez, David Silverman dhe ëolfgang Fiegl.

Filmi tashmë ka nisur xhirimet dhe është projekt i kompanisë Gramercy Park Media. Skenari është shkruar nga Cate Carson, e cila ka një të kaluar si detektive dhe specialiste e inteligjencës ushtarake, ndërsa regjinë e ka marrë përsipër Gille Klabin, i njohur për filmin “The ëave”.

Ngjarja e filmit përqendrohet te një kontrollor i trafikut ajror (Tom Hopper), i cili punon në një zonë të izoluar, dhe mbesa e tij, me të cilën ka një marrëdhënie të shkëputur (Mila Harris).

Jeta e tyre merr një kthesë të pazakontë kur zbulojnë një sinjal të pashpjegueshëm në thellësi të një zone të egër në Kanada. Sinjali shkakton fenomene të çuditshme dhe të rrezikshme, duke i shtyrë ata të nisin një udhëtim për të zbuluar origjinën e tij.

Gjatë kërkimeve, ata takojnë edhe një grup shkencëtarësh hulumtues, të interpretuar nga Rita Ora dhe Missi Pyle,ndërsa në fund përpjekjet e tyre i çojnë pa dashje drejt zbulimit të një force të jashtëtokësore të varrosur prej kohësh.