Këngëtarja e famshme Sia ka kurorëzuar dashurinë e saj në martesë.

Ajo u martua me Dan Bernard në një ceremoni private, në Villa Olivetta, me shumë pak të ftuar.

Në fotot e siguruara nga “Page Six”, shihet nusja e veshur me fustan rozë të lehtë, të qendisur me dantella. Flokët e saj ishin stiluar në një model të ndërlikuar dhe ishin të lidhur me një vello të shkurtër.

Bashkëshorti i këngëtares, e cila shfaqej me fytyrë të mbuluar në videoklipet e saj, kishte veshur një kostum blu të hapur me një kravatë dhe këpucë të zeza.

Çifti ndau një puthje poshtë një harku me lule, te dekoruar me trëndafila rozë dhe të bardhë, ku dukeshin të lumtur teksa po shkëmbenin unazat.