Qindra dokumente të vulosura gjyqësore në lidhje me Jeffrey Epstein, i cili vrau veten pasi u burgos për krime seksuale u bënë publike dje në SHBA. Ky është grupi i parë i dokumenteve që do të zbërthehet sipas një urdhri gjykate të 18 dhjetorit, citon CNN.
Dokumentet pritet të përfshijnë rreth 200 emra, mes tyre edhe disa nga akuzuesit e Epstein, biznesmenë të shquar, politikanë etj. Pjesa më e madhe e informacionit në dokumente është publikuar përmes raportimeve të mediave dhe procedurave të tjera gjyqësore. Por kjo është hera e parë që këto dokumente të depozituara në gjykatë, lëshohen përmes sistemit ligjor. Dokumentet përmbajnë fragmente të depozitimeve të marra nga Maxwell dhe Virginia Roberts Giuffre. Ekziston edhe dokument nga Johanna Sjoberg, e cila deklaron se Princ Andrew i ka prekur disa herë gjoksin në mënyrë shakaje ndërsa bënte foto. Historia e Sjoberg ka qenë publike, por kjo është hera e parë që deklarata e saj po zbardhet. Ajo ka punuar edhe për Epstein, ku më herët ka pranuar se ky i fundit i ka bërë presion edhe për masazheve seksuale. Dyshohet se princ Andreë dhe Virginia Giuffre kanë arritur më herët një marrëveshje jashtë gjykatës. Andrew i ka mohuar akuzat kundër tij. Në dokumente përfshihen edhe disa emra të shquar, mes tyre edhe Bill Clinton, ish-presidentin e SHBA. Sjoberg kujtoi në deklaratën e saj të vitit 2016 se Epstein i foli asaj për Bill Clinton.
“Ai tha një herë se Klintonit i pëlqejnë ato të reja, duke iu referuar vajzave,” tha ajo.
Një zëdhënës i Clinton konfirmoi në vitin 2019 se ish-presidenti kishte fluturuar me aeroplanin privat të Epstein, por tha se Clinton nuk dinte asgjë për krimet e tmerrshme të financierit.
Në deklaratën e saj, Johanna Sjoberg kujtoi gjithashtu kohën kur ishte me Epstein në një nga avionët e tij dhe pilotët i informuan ata se duhej të uleshin në Atlantic City. Epstein më pas sugjeroi që të kontaktojnë Donald Trump.
“Jeffrey tha, Shkëlqyeshëm, ne do të thërrasim Trump dhe do të shkojmë, nuk e mbaj mend emrin e kazinosë, por do të shkojmë në kazino,” tha Sjoberg.
Sjoberg më vonë tha në deklaratën e saj se ajo kurrë nuk i bëri masazh Trump. Trump nuk akuzohet për abuzim në lidhje me Epstein në dokumente. Në dosje janë përfshirë edhe tre persona të paidentifikuar që nuk janë zbuluar ende. Giuffre pretendon se Maxwell e dretyroi atë të kishte marrëdhënie seksuale me një “princ pa emër”, “pronar i një zinxhiri të madh hotelesh.
Nuk është e qartë nga dokumenti nëse Giuffre më pas ka pasur kontakt seksual me ndonjë nga personat e përmendur. Të dhënat e tjera të pavulosura janë mocionet ligjore të paraqitura nga avokatët. Dokumentet janë dosje nga një rast i zgjidhur i sjellë nga Virginia Roberts Giuffre, një grua amerikane që pretendonte se Epstein e kishte abuzuar seksualisht me të kur ishte e mitur dhe se Ghislaine Maxwell, ish e dashura e Epstein, ndihmoi në abuzim. Shumë prej viktimave dhe bashkëpunëtorëve të dyshuar kanë dhënë intervista publike dhe tashmë janë identifikuar në media. Emrat e disa viktimave mbeten privat në dosjet gjyqësore. Epstein u padit në vitin 2019 me akuzat federale për një rrjet trafiku seksual në të cilin ai dyshohet se abuzoi seksualisht me dhjetëra vajza të mitura. Epstein i dha fund jetës në burg ndërsa priste gjyqin. Prokurorët në Nju Jork paditën Maxwell-in për trafikim seksual që përfshinin viktima të shumta.