Aktorja e njohur Adriana Matosh ka fituar për herë të tretë betejën, pasi u diagnostikua me tumor dhe iu nënshtrua para pak ditës një ndërhyrje. Përmes një postimi në Facebook, Adriana shkruan se thekson se ndërhyrja ka rezultuar e suksesshme dhe shpreson që kjo të jetë sfida e fundit me shëndetin.

“Nuk mund të mos a mbaj premtimin. Po kthehna! Me fitoren e tretë. Prej ditës kur ju informova për sfidën teme të re, telefoni nuk u ndalë prej mesazheve e telefonatave. Vazhdimisht jam prezente në klinika e spitale të ndryshme. Kur shkoj e takoj prindë të pashpresë për fëmijët e tyne, ju jap motiv e tentoj me i gjete fjalët ma të duhuna që ia ngrohin zemrën një prindi në ato çaste. Tash e di dhe vet sa peshë paska prezenca e fjalët e ngrohta. Në situata të tilla jemi krejt të barabartë. Njerëz të thjeshtë prej trupi, shpirti e zemre.

Sot po ndihem ma mirë. Iku dhe tumori i tretë. U zgjova ma në fund edhe prej një andrre të keqe. Kur e pashë interesimin e përkrahjen e të gjithëve ju, u binda që kam ma ia dalë prapë. Uroj të jetë sfida e fundit në lidhje me shëndetin. Falënderoj Zotin që pranoi lutjet tona, e më drejtoi si gjithmonë tek doktorë profesionistë të cilët ma shpëtojnë jetën qe disa herë. Falënderoj mikeshën time Sellma Dubova, një feministe e punëtore e pashoqe për krejt ata që e njohin. Falënderoj dr. Hetem Ramadanin për krejt këshillat qysh me e mbrojt shëndetin e me ngritë imunitetin me disiplinën ditore. Falënderoj zemrën tem, shoqen tem që këto ditë ka qëndru afër meje. Vali përjetësisht të jam mirënjohëse. Rina Zeka për krejt ato mesazhe t’omla e motivuese, t’du yll. Gjunjëzohem para dashnisë tuaj t’pastër. Ashtu qysh premtova, unë po kthehna. Shihemi së shpejti… Ju dua”, shkruan Adriana.