Tradita familjare → Familja Rexhepi me një traditë shumëvjeçare të punës në industrinë e tregtisë, operonte edhe me mullirin më të madh në rajon. Më 1964 familja Rexhepi ndërtoi mullirin e parë elektrik në rajon. Në po këtë pikë, më pas filloi veprimtarinë e shitjes së pemëve dhe perimeve.

Në qershor të vitit 2003, në zemër të Ferizajt shënohet themelimi i kompanisë dhe hapja e pikës së parë të “Viva Fresh Store”-it në Kosovë. Që nga fillimi, “Viva Fresh” ka ndjekur standardet evropiane, me koncept unik që i ofron mundësinë konsumatorit të gjejë të gjitha produktet nën një çati të vetme

Suksesi në Ferizaj po përhapej në mbarë Kosovën. “Viva Fresh” gjatë këtyre viteve zgjeroi rrjetin e dyqaneve dhe hipermarketeve në komunat kryesore të Kosovës. Në këtë kohë u bë hapja e hipermarketit të parë në Ferizaj, i cili sot është hipermarketi më i madh në Kosovë me 12,000 m², 23 arka dhe me mbi 30,200 artikuj aktivë.

Më 2010 “Viva Fresh” shënon selinë e zyrës qendrore në kryeqytet, në Prishtinë. Sot kjo pikë ka rreth 10,000 m², 17 arka, dhe me mbi 26,000 artikuj aktivë. Ardhja në Prishtinë shënoi fillime të reja në zgjerimin e rrjetit të pikave, bashkëpunëtorëve dhe konsumatorëve.

Njëmbëdhjetë vjet pas themelimit, me 21 pika të shitjes, “Viva Fresh Store” kishte ndërtuar prezencë pothuajse në të gjitha komunat e Kosovës. Dyqanet e hapura të tipit A dhe B brenda pak kohësh arritën të bëheshin epiqendër e blerjeve për familjet kosovare, duke ofruar çmimet më të lira në treg dhe llojllojshmëri të produkteve. Në këto vjet, “Viva Fresh” u bë përcaktuesi i trendeve në industrinë e shitjes me pakicë në Kosovë

“Viva Fresh”  u pozicionua si rrjeti numër një i blerjeve me pakicë, duke i mposhtur të gjithë konkurrentët në treg. Me 45 pika “Viva Fresh” njihej në të gjithë vendin si rrjeti më i fuqishëm, më ekonomik dhe më i sigurt në vend. Më 2016 është blerë edhe ish-magazina e Delhaize Group-it në Shqipëri.

Për të rritur efikasitetin me furnitorët dhe për t’i ulur kostot e zinxhirit të furnizimit, më 2016 është ndërtuar sistemi Smart Logjistik në partneritet me EBRD-në dhe ENEF-in, që përfshin mbi 15,000 m² hapësirë logjistike dhe kapacitet qarkullimi mbi 1 miliard euro në vit

2022 – 2024 – Nominuar & Fituese ne cmimet “Trend Excellence

E 5 Pikat e perzgjedhjes ne “Awards Business Trend Kosova 2024 ”

1. Shquhet për përkushtimin e saj ndaj shërbimit ndaj klientëve. Përvoja e klienteve  me kompaninë ishte e jashtëzakonshme, duke përjetuar një nivel të lartë të kujdesit ndaj klientit.
2. Ka një reputacion të qëndrueshëm dhe të mirënjohur në treg për cilësinë e produktit të tyre. Përmes inovacionit të vazhdueshëm dhe kujdesit ndaj detajeve, ata kanë arritur të sigurojnë një përvojë të jashtëzakonshme për klientët e tyre.”
3. “Eksperiencat e Klienteve me Viva Fresh kanë qenë të shkëlqyera. Nga shërbimi i tyre i shpejtë dhe efikas në komunikim deri te produktet e tyre të cilësisë së lartë, nuk kam asnjë dyshim se ata janë një lider në fushën e tyre.”
4. Stafi i tyre ishte i gatshëm të ndihmonte në çdo mënyrë të mundshme dhe ata u treguan shumë fleksibël në të përmbushur nevojat e mia të veçanta.” – Citime nga vlersimet e Trend Ambassador