Trashëgimtarja e Top Channel Lori Hoxha i ka dedikuar disa fjalë të atit, Dritan Hoxhës në përvjetorin e 16-të të vdekjes së tij. Përmes një postimi në rrjete sociale, Lori shkruan:
“Babit, ne përvjetorin e ikjes se tij. I shkruajta Sares ne mëngjes qe ndihem ne faj qe nuk jam me e trishtuar për ikjen tende, ne faj qe ndoshta hapësira midis momenteve kur te kujtoj do zgjatet sa me shume vite kalojnë. E ndërkohë qe shkruaja, mu mbushen sytë me lot e mu mbush gjoksi me mall. Ne fakt ajo qe besoj unë ka ndodhur është qe nuk e lejoj me dashurinë për ty, te papërdorur e pafalur, te me plasi shpirtin, por e çoj aty ku do doje ti qe ne te gjithë ta çonim dashurinë për ty; tek familja dhe Top Channel.

Meritoje te jetoje me gjate e te shijoje me ne çdo kujtim por siç na pëlqen ta themi ne ndonjëherë për hir te te pandryshueshmes është qe ike ne ngritje pa e pare kurrë majën por as tatëpjetën. Ndoshta s’do isha bere kjo qe jam po te me kishe shoqëruar 16 vitet e fundit e megjithatë do ta zgjidhja çdo here atë rruge. Vazhdo te me japësh shenja. I shoh dhe te ndjek, e sa me shume punoj për ëndrrat e tua aq me shume te ndjej afër”, shkruan Lori.