Po nxitoni ndërsa skuqni patate ose vezë, apo kur nxirrni tavën e nxehtë me mish nga furra? Padashje disa pika vaji ju bien mbi lëkurë dhe nuk dini çfarë të bëni?
Ndihma e parë në shtëpi lehtëson dhimbjen dhe dezinfekton lëkurën në rastet e djegieve të vogla. Këto djegie njihen si djegie të shkallës së parë dhe përfshijnë zona të kufizuara si duart, krahët dhe këmbët.
Por cilat janë produktet që ndihmojnë në qetësimin e djegies?

Patatet

Patatet kanë veti qetësuese dhe antiinflamatore. Qëroni një patate me madhësi mesatare dhe grijeni në rende. Më pas mbuloni plagën me pjesën e grirë. Mbajeni për disa minuta ashtu derisa të qetësohet dhimbja.

Aloe vera

Bima e Aloe veras është shumë e njohur për përdorimet e saj në fushën e kozmetikës, por jo më pak i rëndësishëm mbetet roli i saj në kurimin e djegieve sipërfaqësore dhe atyre të shkallës së dytë. Pasi e keni mbajtur plagën për pak minuta në ujë të ftohtë, lëreni të thahet në mënyrë natyrale dhe lyeni me xhel aloe vera.

Kombinimi i këtyre dy vajrave e ndihmon plagën të shërohet më shpejt dhe eliminon shenjat e djegies.
Mjalti

Mjalti është shumë i njohur për vlerat e tij ushqyese, hidratuese dhe rigjeneruese. Vendosni pak mjaltë mbi plagë dhe lëreni që të veprojë për disa minuta. Më pas mund ta fashoni ose thjesht ta mbuloni me një garzë.

Qepë

Në lëngun e qepës gjendet një substancë e quajtur kuercitinë që qetëson dhimbjen dhe ndihmon në mbylljen e plagës.

Lëkurë bananeje

Lëkura e bananes është e pasur me aminoacide dhe vitamina ushqyese si (si A, B, C dhe E). Ajo ka veti hidratuese dhe ndihmon plagën të mbyllet sa më shpejt.