Hopper HQ publikoi listën e njerëzve që fitojnë më shumë nga Instagrami për vitin 2020. Kylie Jenner kryesonte listën prej vitesh, tanimë nuk është më njeriu më i  paguar i Instagramit. Kush e rrëzoi nga froni virtual?

Është pikërisht aktori Dëayne Johnson, i njohur si The Rock, personi që fiton më shumë nga Instagrami, me mbi 187,300,000 ndjekës. Ai merr një vlerë prej 1,015,000 dollarësh.

Me rritjen e jashtëzakonshme e ndjekësve në Instagram, The Rock, veç Kylie Jenner, la pas Kim Kardashian dhe Ariana Grande-n për të arritur në vendin e parë, nga pozicioni i gjashtë që ndodhej në vitin 2019.

Kylie Jenner është në pozicionin e dytë për vitin 2020. Ajo ka një një numër prej 181,500,000 ndjekësish dhe fiton 986,000 $ për postim.

Jenner pasohet nga futbollisti Cristiano Ronaldo, i cili është personi më i ndjekur në Instagram, me 224,800,000 ndjekës. Megjithatë, postimet e tij vlerësohen në 889,000 dollarë, duke ulur kështu renditjen e tij të përgjithshme në listë.

Në pozicionin e katërt dhe të pestë janë Kim Kardashian dhe Ariana Grande që paguhen 850,000 dollarë për postim.

Justin Bieber gjithashtu u ngjit në renditje, duke arritur pozicionin e tetë nga i dhjeti ku ndodhej vitin e kaluar. Në vitin 2020, këngëtari kanadez kishte 139,300,000 ndjekës dhe fitonte 747,000 $ për postim. Kjo është lista e Top 10 personazheve më të paguar në Instagram për vitin 2020.