Një foto pa photoshop e Khloe Kardashian u publikua online pak ditë më parë dhe familja Kardashian bashk me stafin e tyre  bën gjithçka për të zhdukur nga rrjeti. Megjithatë, më shumë sesa me pamjen e saj në foto, fansat u zhgënjyen me përpjekjet e Khloe për të zhdukur foton, që në fund të fundit ishte reale.

Ajo ka reaguar në lidhje me foton dhe është treguar e sinqertë me ndjekësit e saj sa i përket luftës së saj për imazhin e trupit. Në një postim në Instagram ajo ndau foto dhe video të paedituara, ndërsa foli për përpjekjen për të mësuar ta dojë veten pavarësisht nga vëzhgimi “i padurueshëm” me të cilin përballet.

“Hej njerëz, kjo jam unë dhe trupi im pa photoshop dhe pa filtër”, shkroi ajo. “Fotoja që u postua këtë javë ishte e bukur. Por si një njeri që ka luftuar me imazhin e trupit tërë jetën e saj – kur dikush të bën një fotografi në ndriçim të keq ose nuk kap trupin tënd siç është, pasi ke punuar shumë për të arritur deri në këtë pikë, dhe pastaj e ndani atë me botën – duhet të kesh të gjithë të drejtën të kërkosh që ajo të mos ndahet – pa marrë parasysh kush je. Në të vërtetë, presioni, tallja dhe gjykimi i vazhdueshëm gjithë jetën time për të qenë e përsosur dhe për të përmbushur standardet e të tjerëve se si duhet të dukem, ka qenë shumë për t’u duruar”, -tha Khloe.

“’Khloé është motra e shëndoshë’. ‘Khloé është motra e shëmtuar’. ‘Babai i saj nuk duhet të jetë babai i saj i vërtetë sepse ajo duket kaq ndryshe.’ ‘Mënyra e vetme që ajo mund të ketë humbur peshë duhet të ketë qenë nga operacionet.’ Asnjëherë nuk mësohesh me të qenit e gjykuar, por nëse e dëgjon diçka shpesh, atëherë do të fillosh ta besosh atë. Kështu jam kushtëzuar të ndihem, se nuk jam e bukur mjaftueshëm.”

“Trupi im, imazhi im dhe mënyra se si zgjedh të dukem dhe ajo që dua të ndaj është zgjedhja ime. Nuk i takon askujt të vendosë ose gjykojë se çfarë është më e pranueshme.”

Mbështetja e mamas dhe motrave nuk munguan në postimet e saj, por edhe nga një numër i madh emrash të njohur dhe fansash.