Krijimi i Rubit fillon me Ingridin, Henrikun dhe një pyetje. Si mundet që ushqimi të shërbejë si një tryezë për një diskutim më të madh?

Ingridi – Pas 14 vitesh përvojë në marketing, vendosi të ndryshojë vijën e saj të karrierës dhe përqendrohet në pasionin e saj, ushqimin. Blogu i saj për rreth udhëtimeve dhe ushqimit, Bonvivant, e inkurajoi atë të udhëtonte solo në destinacione të jashtëzakonshme dhe të kthehej me shumë ide dhe frymëzime.

Henriku – Një brand strategist pasionant me background në design, babai i dy vajzave, i sapokthyer nga një përvojë në New York, donte të ndërtonte një model të ri biznesi që vendos qëllimin dhe rolin social në krye te listës.

Së bashku, ata vendosën të zhvillojnë Rubin, një brand që konsideron seriozisht impaktin e vendimeve të marra jo vetëm për punonjësit, klientët dhe bashkëpunëtorët, por mbi të gjitha për komunitetin dhe shoqërinë.

Rubi drejtohet nga gra të vendosura dhe ambicioze që dashurojnë ushqimin, dhe që do të përgatisin çdo tortë e ëmbëlsirë me kujdes dhe dashuri. Tortat janë frymëzuar nga tortat me shumë shtresa amerikane, njëkohësisht guxuese dhe madhështore.

Bazuar tek filozofia “shto gjithçka të mirë”, bashkuan përbërësit më të veçantë nga e gjithë bota dhe teknikat klasike për të sjellë tortat tona me tre shtresa, të mbushura me krem francez gjalpi.