Besa Kokëdhima i ka dhënë fund beqarisë ndërsa mësohet se këngëtarja ka kurorëzuar dashurinë me partnerin Tedi në një ceremoni private në Drimadhes, buzë detit.

Pa shumë bujë, larg syve të publikut por në një atmosferë magjike mes miqve e familjarëve, e bija e Koço Kokëdhimës i dha fund beqarisë. Sigurisht, në këtë ceremoni nuk kanë munguar artistët, por edhe figura të politikës. Në këtë ceremoni madhështore ndodhej kreu i PSD Tom Doshi dhe Bledi Çuçi.

Këngëtarja është treguar mjaft e rezervuar ndërsa ka publikuar në rrjete sociale vetëm një foto ku duken unazat e martesës. Kjo foto ka ngjallur kuriozitetin e fansave të cilët nuk kanë ngurruar të urojnë këngëtaren Besa Kokëdhima.