Gruas i kishte thënë se ishte i zënë me një darkë pune, por në fakt ndodhej në restorant me një grua tjetër. Burri, megjithatë, u filmua në lokal gjatë realizimit të një videoje reklamuese që më pas u publikua në rrjetet sociale dhe, kur bashkëshortja e pa, zbuloi se ai ishte me një tjetër dhe e përzuri nga shtëpia.

Ashtu siç ndodhi në korrik gjatë koncertit të Coldplay në Boston, historia e ndodhur në Palermo, e bëri publike Codacons, ku burri iu drejtua pasi ishte filmuar dhe kishte përfunduar në spot pa u ditur.

Shoqata e konsumatorëve po vlerëson tani nismat që do të ndërmerren në rrugë civile dhe përpara Garantit për Mbrojtjen e të Dhënave Personale.

“Është e papranueshme që një restorant të filmojë klientët pa pëlqimin e tyre të qartë dhe të shpërndajë imazhet, duke i ekspozuar ata ndaj pasojave të paparashikueshme”, thotë Francesco Tanasi, sekretar i Codacons në Siçili.

“Publikimi i videos ka shkaktuar një përçarje familjare dhe ka dëmtuar ndjeshëm jetën private të qytetarit, dhe kjo e bën të domosdoshme përcaktimin e përgjegjësisë dhe marrjen e kompensimit në përpjesëtim me dëmet e pësuara.”