Rrallë hasim një kombinim streçesh që duket vërtet modern. Shumë shpesh, edhe gratë më me stil kthehen te streçet bazike të zeza, duke i kombinuar me sandale ose atlete. Por kur shfaqet një kombinim që tërheq vëmendjen, ia vlen ta vësh re.

Kështu ndodhi kur Vittoria Ceretti u pa në West Hollywood duke lënë palestrën, veshur me streçe të të ngushta sipër dhe që vijnë duke u zgjeruar poshtë, të stilit bootcut, që i dhanë pamjes së saj sportive një ndjesi retro por edhe moderne.

Modelja italiane mbante një xhaketë meshkujsh Adidas me stil të viteve ’80, një bluzë poshtë, streçet dhe atlete të bardha.

Ajo që e bën pamjen e Ceretti-t kaq tërheqëse është thjeshtësia dhe diferenca e saj. Veshja sportive shpesh mund të duket e mërzitshme, por si në të gjitha pamjet e modeles, kjo ka një ndjesi të lehtë, interesante; nga xhaketa me pamje vintage te streçet e pazakonta.

Veshja e streçeve standarde të zeza me atlete të bardha nuk është gabim, por nëse dëshiron një frymëzim dhe komplimente nga dikush pranë teje, provo streçet bootcut.