Klajdi Musabelliu i cili u rikthye pas shumë vitesh në ekran, duke u bërë banor i “Big Brother Vip”, mori dy surpriza gjate spektaklit.

Pasi rrëfeu mes lotësh historinë e jetës së tij, vështirësitë dhe karrierën, ai u surprizua me praninë e mamasë së tij. Mes lotëve, ajo e këshilloi të vijonte lojën. Një surprizë tjetër ishte përgatitur për artistin.
Një fondacioni do të marrë përsipër rikonstruksionin e banesës së tij, ku jeton me të ëmën.

Klajdi Musabelliu ka treguar se jeton në kushte të vështira në shtëpinë e tij në zonën e Laprakës. Banesa, e cila është shumë e amortizuar, ka mure të çara dhe është e mbushur me lagështirë, duke e bërë jetesën edhe më të vështirë.

Madje, disa producentë i thanë live se do të krijonin mundësinë që të prodhonte përsëri muzikë, duke i ofruar mbështetje dhe mundësi për të rifilluar karrierën e tij në muzikë.