Këngëtarja Gigliola Haveriku, rrëfehet për karrierën, familjen e mëmësinë.

Teksa ishte e ftuar në studion e emisionit “Takohemi n’Vizion”, ajo tregoi se si ia del të kujdeset për të voglën e saj, Isabelin, pa hequr dorë nga ritmi i punës. Gigliola Haveriku zbuloi se ndihmën më të madhe e merr nga prindërit e saj, por edhe nga familja e bashkëshortit, duke veçuar marrëdhënien e veçantë që ka me kunatën.

Gigliola Haveriku zbuloi se ndihmën më të madhe e merr nga prindërit e saj, por edhe nga familja e bashkëshortit, duke veçuar marrëdhënien e veçantë që ka me kunatën.Ndërsa për bashkëshortin, këngëtarja sqaroi se edhe ai është shumë i pranishëm në jetën e vajzës, por oraret e tyre të punës i bëjnë të domosdoshme ndihmesën nga familjarët.

Pjesë nga intervista:

Fjodora Fjora: A është e vështirë këto kohë që tashmë me Isabelin të jesh dhe të vazhdosh me të njëjtin intensitet pjesën e punës?

Gigliola Haveriku: Kam një ekip të mirë ndihmës, kështu që…

Fjodora Fjora: Kush të ndihmon, vjehrra?

Gigliola Haveriku: Jo, mami dhe babi. Goca ime shkon shpesh në fundjava, e çoj në Durrës te ata dhe ajo kënaqet, del aty në breg të detit dhe është shumë e familjarizuar me ta.

Fjodora Fjora: Domethënë e ke nga ana jote ndihmën? Po nga ana e burrit?

Gigliola Haveriku: Po, nga ana ime, por edhe nga ana e burrit, edhe pse ata kanë moshë tjetër, moshë më të madhe. Ata më ndihmojnë shumë pasditeve, sepse goca ime ka hallën më të mirë në botë. E përshëndes hallën se nuk e kam përshëndetur asnjëherë. Shkoj shumë mirë me kunatën. Kunata ime ka moshën e mamit tim që të jemi të qartë, mbase ndikon edhe kjo. Shkoj shumë mirë.

Fjodora Fjora: Të gjitha këto, vetëm bashkëshortin s’ma përmende. Po ai çfarë bën me gocën?

Gigliola Haveriku: Jo, jo, edhe ai është shumë i pranishëm, por punojmë zakonisht në turne shumë të përafërta me njëri-tjetrin. Ai punon turnin e darkës se është shef kuzhine. Ndaj edhe atij i duhet të shkëputet shumë nga shtëpia, kështu që na duhej ky ekipi tjetër.