Udhëtimi në hapësirë i 6 grave të Blue Origin hyri në histori. Por ato u siguruan që të mos mungonte edhe stili. Lauren Sanchez, e fejuara e Jeff Bezos dhe një nga gratë në bord, bashkëpunonoi me bashkëthemeluesit e Monse, Fernando Garcia dhe Laura Kim për të krijuar kostume të posaçme.

Në udhëtimin 11-minutësh morën pjesë këngëtarja Katy Perry, spikerja e lajmeve të CBS Gayle King, ish-shkencëtarja e NASA Aisha Bowe, aktivistja Kerianne Flynn dhe astro-fizikantja Amanda Nguyen.
Në fund të vitit 2024, nisi hedhja e ideve për kostumet. “Nuk dinim nga t’ia nisnim. Nuk ka precedentë. Referencat ishin kostumet hapësinore të burrave”, tha Garcia. Ai shtoi se thjeshtësia, rehatia ishin të rëndësishme, por dëshironin edhe “diçka që të ishte pak i rrezikshëm, si veshje motorristësh. Apo skijatori. I bukur dhe seksi”.

Më pas treshja vendosi për palicetat blu me material neopreni elastik që i reziston zjarrit dhe ka një shtresë të ngrohtë, rrip, zinxhir të dyfishtë përpara dhe zinxhir në pjesën e poshtme që të krijonte formën e pantallonave të lirshme.

“Mendoj se kostumet janë elegante,por sjellin edhe pak sensualitet në hapësirë”, tha Sanchez në intervistë.