Ndërsa “Big Brother VIP Albania 5” po troket me premierën e madhe këtë të shtunë më 20 dhjetor, burime të shumta nga produksioni dhe nga mediat rozë po rrëfejnë emrat që pritet të trazojnë ujërat e shtëpisë më të famshme në vend.

Është konfirmuar tashmë se edhe këtë edicion moderatori do të jetë përsëri Ledion Liço. Ndërsa disa emra për banorët qarkullojnë, për sa i përket opinionistëve publiku është i bindur se do të jetë përsëri Arbër Hajdari.

E le të themi se kuriozitetin më të madh për këtë sezon e ka marrë opinionistja, e cila ende nuk është e konfirmuar nga produksioni. Disa emra janë lakuar, por personazhi i fundit që po qarkullon në media, thuhet se sipas burimeve të sigurta nga produksioni do të jetë Monika Kryemadhi.

Një lajm që po pritet mirë nga publiku, i cili shpreson shumë që kjo të jetë e vërtetë, duke u nisur nga intelekti, përvoja dhe karakteri i saj.