29 shkurti është një datë e veçantë që shfaqet vetëm gjatë viteve të brishta, pra një herë në katër vite. Për këtë arsye, personat që kanë lindur në këtë datë përballen shpesh me një situatë të pazakontë kur bëhet fjalë për festimin e ditëlindjes së tyre.

Në vitet kur kalendari nuk përfshin 29 shkurtin, shumë prej tyre zgjedhin ta festojnë ditëlindjen më 28 shkurt ose më 1 mars, në varësi të preferencës personale apo traditës familjare.

Kjo do të thotë se, ndonëse teknikisht data e tyre e lindjes shfaqet në kalendar vetëm çdo katër vite, ata sërish e festojnë përvjetorin çdo vit, por në një nga këto dy data alternative.

Sipas disa përllogaritjeve, në botë ka rreth 5 milionë njerëz që kanë lindur më 29 shkurt, duke e bërë këtë një nga datat më të rralla të ditëlindjeve. Ndërkohë, ata që kanë lindur më 28 shkurt nuk përballen me këtë dilemë dhe mund ta festojnë ditëlindjen e tyre çdo vit pa ndryshime në kalendar.

Të lindësh më 29 shkurt do të thotë të kesh ditëlindjen më të rrallë. Kjo datë është vetëm një herë në katër vjet në kalendar, megjithatë për të festuar askush nuk pret katër vjet.

Këtë ditëlindje e ka reperi i njohur shqiptar, Capital T, Trim Ademi, pasi ka lindur më 29 shkurt.-Superman (edhe pse nuk është një personazh real, ditëlindja e Supermanit është festuar gjithmonë më 29 shkurt, si për të treguar superfuqinë e një njeriu).

-Sipërmarrësi dhe motivuesi i njohur Tony Robbins, ka lindur gjithashtu më 29 shkurt.

-Kryeministri i Spanjës, Pedro Sanchez, po ashtu ka lindur me 29 shkurt.

-Edhe aktori i njohur amerikan, Jessie T.Usher feston ditëlindjen me 29 shkurt.