Pas muajsh spekulimesh aktori kuban William Levy ka habitur ndjekësit duke publikuar një foto romantike nga Spanja, teksa mban dorën e “Señorita J”. Duke konfirmuar kështë zyrtarisht lidhjen e tij me të rë me Jennifer Camacho, një infermiere e re, të cilën William e quan me dashuri “Señorita J”.

“Te dua shumë, shumë, shumë”, shkroi aktori, duke konfirmuar se kjo lidhje po ecën seriozisht dhe se është më i lumtur se kurrë. Mesa duket viti 2026 i ka sjellë një dashuri të veçantë.

Nga çfarë shohim në profilin e saj në Instagram, Jennifer Camacho është infermiere e kujdesit intensiv dhe ka përfunduar studimet në University of Central Florida në vitin 2023. Fotot e tyre të përbashkëta, duke përfshirë një nga një kafene në Granada, Spanjë, tregojnë duart e tyre të kapura me njëra-tjetrën, duke zbuluar për herë të parë identitetin e “Señorita J”.

William Levy, i njohur për rolet e tij ikonike në telenovela dhe filma të ndryshëm, ka ndarë më parë mesazhe të dedikuara për fëmijët dhe njerëzit e afërt, ku u përmend edhe Jennifer. Në një nga mesazhet e tij, ai shkroi: “Dhe ty, Señorita J, të falenderoj për këtë dashuri kaq të pastër dhe pak të çmendur që më jep çdo ditë dhe më bën kaq të lumtur. ???? Te dua shumë, shumë, shumë ????”.

Romanca e tyre duket se është e re dhe sipas fotove të ndara në rrjetet sociale, Jennifer është më e vogël në moshë se William, duke shtuar një dozë aventureske dhe romantike në marrëdhënien e tyre. Të dy ndajnë pasionin për jetesën e shëndetshme, ku Jennifer ndan shpesh foto nga palestra, duke treguar formën e saj fizike të shkëlqyer.

Derisa deri në vitin 2025, William Levy ishte beqar dhe e kishte deklaruar këtë në një intervistë për El Gordo y la Flaca, tani ai ka ndryshuar statusin e tij emocional, duke e pranuar hapur lidhjen me Jennifer Camacho.