Kur vjen pranvera, instinkti i parë është të heqësh dorë nga pulovrat, por një pulovër e lehtë është pikërisht ajo që të duhet për mëngjeset dhe mbrëmjet e freskëta. Duket se edhe Meryl Streep është plotësisht dakord.
Gjatë promovimit të filmit The Devil Wears Prada 2 në emisionin e Stephen Colbert, ajo u shfaq me një pulovër të thurur në ngjyrë blu cerulean, një zgjedhje që të kujton menjëherë stilin e Anne Hathaway.
Madje edhe Anne Hathaway e nisi turneun promovues të The Devil Wears Prada 2 me një pulovër në ngjyrë “cerulean blue”, një referencë ndaj një prej skenave më ikonike të filmit të parë, ku Miranda Priestly (personazhi i luajtur nga Meryl Streep) i thotë Andy-t (Anne Hathaway): “Por ajo që nuk di është se ajo pulovër nuk është thjesht blu, nuk është turkeze, nuk është lapis, është në fakt cerulean”, duke iu referuar nuancave specifike të ngjyrës blu.
Pulovra e Meryl Streep është nga J.Crew dhe kushton rreth 198 dollarë.
Pulovrat e thurura nuk janë asgjë e re, por mënyra si po rikthehen këtë sezon është ajo që bën diferencën. Nuanca cerulean, një blu e hapur, e pastër, tipike si qielli i kthjellët, i jep një ndjesi të freskët garderobës së pranverës.
Plus, është një nga ato veshje që kombinohet pa shumë përpjekje.
Edhe pse versioni i Meryl Streep është në kategorinë “investime afatgjata”, ka plot alternativa shumë më të përballueshme. Nga modele që kushtojnë vetëm 1,300 lekë në Amazon apo Temu, deri te opsione më premium si Polo Ralph Lauren apo Everlane, ideja është e njëjtë: një pulovër e lehtë, e thurur, në një ngjyrë që bie në sy.
Ka edhe versione si triko, që janë edhe më praktike për pranverë, sepse mund t’i hapësh dhe mbyllësh sipas temperaturës.