Rihanna ka tërhequr edhe një herë vëmendjen e mediave dhe fansave me stilin e saj të veçantë, gjatë pjesëmarrjes në Tribeca Film Festival në New York. Këngëtarja dhe sipërmarrësja e njohur u shfaq në eventin e organizuar për partnerin e saj, reperin A$AP Rocky, duke u kthyer menjëherë në një nga figurat më të komentuara të mbrëmjes.

Artistja zgjodhi një fustan bronzi prej kamoshi me dekolte të theksuar, i cili vinte në pah elegancën dhe siluetën e saj. Ajo e kombinoi veshjen me një xhaketë lëkure në të njëjtën nuancë, sandale me rripa, syze dielli dhe bizhuteri të shkëlqyera, duke krijuar një paraqitje që nuk kaloi pa u vënë re nga fotografët dhe të pranishmit.

Rihanna u fotografua teksa largohej nga ambientet e festivalit në Spring Studios, e shoqëruar nga ekipi i saj i sigurisë. Ndërkohë, mbrëmja kishte një rëndësi të veçantë për partnerin e saj, i cili u nderua me çmimin në kuadër të Tribeca Festival për kontributin e tij në fushën e filmit dhe tregimit kreativ.

Megjithëse vlerësimi i A$AP Rocky ishte një nga momentet kryesore të eventit, ishte paraqitja e Rihanna-s ajo që dominoi rrjetet sociale dhe mediat rozë, duke dëshmuar edhe një herë se çdo dalje e saj publike shndërrohet në një moment mode që tërheq vëmendjen e publikut në mbarë botën.