Ngjyrat janë ato që përcaktojnë elementin kryesor të tendencave të modës, qoftë për veshjet dhe aksesorët, ndaj po ju orientojmë drejt zgjedhjeve të duhura për sezonin e verës. Cilat tonalitete janë të duhurat dhe që përshtatet me stilin e përditshëm, por edhe për rastet speciale?

Ndryshe nga sezonet e shkuara ku ngjyrat e forta drejt atyre neon kanë qenë qendra e vëmendjes, këtë verë do të luani me tre tonalitete bazë: e gjelbra, nuancat e tokës dhe bluja kobalt.  Ne po ju sugjerojmë, por mbetet në dorën tuaj të guxoni sesi do t’I përzjeni ato për të krijuar një stil modern dhe të sofistikuar. Gjithë referencat e Bordo vijnë direkt nga pasarelat dhe stili i rrugës që dominoi në kryeqytetet e modës për verën e 2026-ës.

E gjelbra e ullirit

Edhe pse gama e të gjelbrës është e gjithëanshme, ajo që përngjan me jeshilen e ullirit do të jetë padyshim kryefjala e sezoni. Është një nuancë neutrale, por që ka shumë karakter dhe do të zëvendësojë denjësisht të zezën tradicionale. Por ndryshe nga e zeza, e gjelbra e ullirit afron një lloj freskie kaq natyrale, por dhe një lidhje të fortë me natyrën, duke ju bërë të ndiheni shumë mire me veten dhe gjithçka që ju rrethon. Do ta gjeni nga veshjet ‘ready to wear’ deri te aksesorët që kanë një prekje paksa artizanele. Arsyeja që kjo nuancë ka ngjallur kaq shumë vëmendje lidhet me faktin se përfaqëson linja të pastra dhe mjaft organike. Përshtatët  lehtësisht me materiale të ndryshme si: mëndafshi, linoja dhe lëkura, duke krijuar një pamje e cila transmeton shumë personalitet.

Ngjyrat e tokës

Baza janë ngjyrat e tokës, por theksi vendoset te terrakota, një estetikë e pastër që dallon prekjen natyrale. Shumë stilistë kanë përdorur ngjyrat e ngrohta si bazë duke i pluhurosur me pak rozë ose bezhë për të krijuar një estetike të pastër. Një paletë ngjyrash e cila dallon te veshjet e gjera që reflektojnë siluetat e lirshme, duke përcjellë harmoni dhe energji. Për përdoruesit e rritur, pajisja IQOS ILUMA ofrohet gjithashtu në një larmi ngjyrash, por ajo që është e rëndësishme është se teknologjia e saj e ngrohjes së duhanit e bën këtë përvojë unike, pasi nuk ka as tym dhe as hi, si dhe nuk lë aroma të pakëndshme në rroba, flokë apo duar.

Blu kobalt

Duke qëndruar te nuancat që vijnë të frymëzuara nga qielli dhe deti, këtë sezon do të befasoheni nga gama e tyre. Për ata që duan të thyejnë çdo rregull të stilit të sezonit, bluja kobalt është ngjyra që ka rrëmbyer gjithë vëmendjen. Arsyeja? Sepse është kaq elektrizuese, reflekton besim në vetvete dhe një pamje moderne. Do ta gjeni te shumë aksesorë me forma inovative, me enjë stil që sugjeron daljen klishetë, ndaj guxoni me nuancat e pazakonshme. Stilistët e quajnë ‘mantra e sezonit”, sepse është në modë një ngjyrë e cila nuk e bërtet rëndësinë e saj, ndryshe nga tonet koral më të cilat jeni mësuar deri tani. Përshtatet shumë mirë te veshjet elegante dhe casual chic, sepse ka aftësinë të përshtatet në çdo moment si një kameleon i stilit.