Gazetari Elton Tozaj ka publikuar në rrjetet sociale një fotografi ku shfaqet me rroba të mbuluara me njolla gjaku, ndërsa në zonën e qafës duken gjithashtu gjurmë gjaku.

Përmes një mesazhi të fortë, Tozaj paralajmëron personin apo personat përgjegjës për atë që ka ndodhur, duke shkruar: “Kushdo që e bëri këtë do e paguajë shumë shtrenjtë! Nuk më ndalni dot!”.

Gazetari nuk ka dhënë detaje të tjera lidhur me rrethanat e ngjarjes, ndërsa ende nuk dihet se çfarë ka ndodhur dhe nëse bëhet fjalë për një sulm ndaj tij.

Publikimi ka ngritur pikëpyetje mbi atë që mund të ketë ndodhur me gazetarin.