Pas çdo produkti cilësor qëndron kujdesi për materialet dhe vëmendja ndaj detajeve. Këtë synon të sjellë edhe Matilpro, një kompani shqiptare e specializuar në prodhimin e tekstileve për shtëpi, hotele dhe fëmijë. E themeluar në 2019, kompania drejtohet nga Blerta Zika, e cila mban pozicionin e CEO-s.

Matilpro prodhon një gamë të gjerë artikujsh për nevoja të ndryshme. Për shtëpinë ofron jastëkë, çarçafë, komplete krevati, jorganë, mbrojtëse dyshekësh dhe produkte për kafshët shtëpiake. Për hotelet prodhon çarçafë, këllëfë jastëkësh, jorganë dhe artikuj të tjerë për dhomat e akomodimit. Ndërsa për bebet dhe fëmijët, në koleksion gjenden jastëkë shtatzënie, jastëkë për ushqyerjen me gji, veshje, batanije dhe komplete për krevatet e fëmijëve.

Për t’iu përshtatur kërkesave të bizneseve, Matilpro ofron edhe mundësinë e personalizimit të produkteve, përmes vendosjes së logos së markës, etiketave dhe paketimit të personalizuar. I gjithë procesi shoqërohet me kontroll të cilësisë, nga përzgjedhja e materialeve të para deri te produkti përfundimtar. Me një staf perreth 90 punonjësish, kompania ka kapacitete për të përmbushur porosi në shkallë të gjerë dhe bashkëpunon me marka të pavarura dhe kompani të mëdha si edhe eksportohen në Itali, Gjermani, Francë, Holandë, Rumani, Spanjë, Maqedoni të Veriut dhe Bullgari.

Matilpro dëshmon se prodhimi shqiptar ka potencial për të konkurruar përtej kufijve, duke ndërtuar një emër në tregjet ndërkombëtare përmes cilësisë dhe aftësisë për t’iu përgjigjur kërkesave të ndryshme të klientëve. Me planet për investime të reja, zgjerim të kapaciteteve dhe zhvillim të produkteve më të avancuara, kompania synon të hedhë hapa të mëtejshëm drejt rritjes, duke e kthyer përvojën dhe kapacitetet e saj prodhuese në mundësi të reja për zgjerim ndërkombëtar.