Donald Trump fitoi. Ai është rizgjedhur për të drejtuar SHBA-në, katër vitet e ardhshme me një diferencë të madhe votash përballë rivales Kamala Harris. Republikanët e zgjodhën si president i 47-të i Shteteve të Bashkuara, një rikthim i jashtëzakonshëm pasi i mbijetoi tentativave për vrasje. Si president, ai është zotuar të ndjekë një axhendë të përqendruar në riformulimin dramatik të qeverisë federale dhe ndëshkimin kundër armiqve të tij të perceptuar.

“Zoti ma fali jetën për një arsye. Dhe kjo arsye ishte për të shpëtuar vendin tonë, Amerikën. Dhe tani ne do ta përmbushim atë mision së bashku. Detyra nuk do të jetë e lehtë, por unë do të sjell çdo grimcë energjie, shpirti dhe lufte që kam në shpirt në punën që më keni besuar”, kështu e nisi fjalimin ish-presidenti, ndërsa u prit me brohoritje.

Ai tha se partia e tij po bën histori dhe falënderoi turmën që e zgjodhi atë si presidentin e tyre të 47-të, si dhe të 45-in. Fitorja e Trump u vulos nga Wisconsin, i njëjti shtet që e vendosi atë në krye kur fitoi në 2016.