Al Pacino ka folur për sfidat me të cilat u përball kur u bë i famshëm, duke treguar se duhej të bënte psikoterapi për t’u përballur me to. Tashmë 84-vjeçari, aktori fitues i çmimit Oscar pranoi se pavarësisht sukseseve të tij, fama ka qenë burim stresi dhe pasigurie për të.

Në një intervistë për BBC Radio 2, Pacino paralelizoi përvojat e tij me ato të autorit Jack Kerouac. “Kerouac luftoi me suksesin dhe nuk ndihej rehat. Ndoshta edhe unë u ndjeva në të njëjtën mënyrë”, tha aktori, duke shpjeguar se ndjenja e të qenit jashtë vendit e bënte ndonjëherë të shmangte Oscar-in për shkak të ankthit që i shkaktonte. Ai iu referua gjithashtu një momenti gjatë një produksioni teatror në Boston, kur iu tha se kishte fituar një çmim të Bordit Kombëtar të Rishikimit për interpretimin e tij në “Kumbar”. “Mbaj mend që reagimi im i parë ishte pyetja nëse njihte një psikiatër që të shkoja.”, tha ai, duke përshkruar presionin psikologjik që po përjetonte në atë kohë. Karriera e Pacino-s përfshin shumë filma të vlerësuar me çmime, nga “Kumbari” i Coppola-s te “Irlandez” i Scorsese-s, por aktori pranon se i pëlqente më shumë puna e tij në vitet e hershme. “Zakonisht nuk jam shumë i lumtur në xhirime”, tha ai për NYT Magazine.

Së fundi, ai zbuloi se kohën e lirë e kalon duke parë video në YouTube dhe TikTok, ndërsa i pëlqejnë shumë historitë e njerëzve që kapërcejnë vështirësitë e tyre. “Më pëlqejnë këto histori.”, tha ai në intervistë.