Aktorja Olta Gixhari ka folur për marrëdhënien e saj me partnerin, Dorin me të cilin ka dy djem. Në një intervistë me Arbana Osmanin, ajo tregoi momentet e para të njohjes me Dorin dhe më pas romancën mes tyre.

“Duke u parë në sy ndodhi një shkëndijë shumë e fortë. Më ndodhi diçka në stomak. U takuam rastësisht dhe më pas ai iku. Propozimi i tij ndodhi në Romë, por ishte në Spanjë ku bëmë një bisedë shumë të rëndësishme. Ishim ulur në një banak në Spanjë. Nuk ishim puthur ende, nuk kishim bërë dashuri, por i thashë troç: Të dy mund të kemi qejf të bëjmë dashuri me njëri-tjetrin, por unë nuk dua të zgjohem nesër dhe të mos e di se çfarë të kam. Ai më tha: Mendoje mirë. Nëse vendos të vish në Romë në këtë datë, nuk ka më kthim pas. Unë pranova dhe gjatë qëndrimit në Romë ai u ul në gjunjë dhe më tha: “A do të jesh gruaja ime?” Nuk u martuam kurrë, por ai më la shtatzënë”, tha Olta.