Selena Gomez bëri bujë në media kur njoftoi fejesën me partnerin e saj Benny Blanco.

Tani, fansat e Justin Bieber, besojnë se ai i ka dërguar Selenës, një mesazh të koduar me të kuptuar hapin e saj të ri në relacionin me partnerin.
Lidhja e Justinit dhe Selenës ka qenë tejet publike, dhe ndër më të komentuarat në showbizin global dhe diskutohet tejet shumë edhe sot.

Ata kishin një relacion të komplikuar të lidhjes nga viti 2010 deri në vitin 2018, viti ku edhe artisti u martua më pas me Hailey-n.
Të hënën ai ngarkoi në Instagram një foto me Haileyn dhe shtoi në postim këngën “All My Ghosts” të Lizzy McAlpine.

Përdoruesit e rrjeteve sociale më pas i vërshuan në komente, duke e thumbuar për zgjedhjen e këngës që ka këtë tekst: “Mund ta shoh tani, dasma e vitit, mund ta shoh tani, zi ngrihet dhe fshin lotët e tij, unë mund ta shoh tani, kur të gjithë fantazmat e mia zhduken, mund ta shoh tepër qartazi”.