“Shkodra Elektronike” me “Zjerm” do të përfaqësojë Shqipërinë në festivalin më të madh muzikor në Evropës “Eurovision”.
“Shkodra Elektronike” siguroi vendin e parë në edicionin e 63-të të Festivalit të Këngës
Kënga “Zjerm” mori në total 143 pikë në votimin e ndarë 50% nga juria dhe 50% nga publiku.
Ndërsa në vendin e dytë u rendit Elvana Gjata me “Karnaval”, duke grumbulluar 135 pikë, kurse Alis siguroi vendin e tretë me këngën “Mjegull”, me 59 pikë.

Fillimisht u numëruan votat e jurisë profesioniste, të cilat përsëritën rezultatin përfundimtar me “Shkodrën Elektronike” në vend të parë, Elvana Gjata në vend të dytë dhe vendi i tretë për Alis.

Renditja u përmbys nga vota e diasporës, e cila votoi për herë të parë në këtë festival, duke i dhënë shumicën e votave Elvana Gjatës dhe në vendin e dytë renditi “Shkodrën Elektronike”. Këngëtari Alis sërish e ruajti vendin e tretë.

Ishte numërimi i mesazheve SMS nga Shqipëria, Kosova, Mali i Zi dhe Maqedonia e Veriut që i dha “Shkodrës Elektronike” përfundimisht Çmimin e Madh.
“Shkodra Elektronike” tani do të përgatitet për sfidën e madhe në Eurovision 2025.