Kujtimet mbeten të paharrueshme, kur bëhen në vendin e duhur. Jeni lodhur nga zhurma e kryeqytetit dhe dëshironi të kaloni kohë dhe gjithashtu të krijoni kujtime me të dashurit tuaj të zemrës? Fundjavat kalohen bukur larg zhurmës së Tiranës dhe drejt një vendi me gatime tradicionale dhe ajër të pastër. Atëherë “Kodra e Gjelbër” është vendi i duhur për ju. Agroturizmi ndodhet vetëm 5 km nga qyteti i Beratit, në fshatin Roshnik . Do të gjeni një nga pamjet panoramike më të bukura të vendit, gatimet tradicionale me ushqime të zonës dhe qetësinë që të fal natyra.

Agroturizmi “Kodra e Gjelbër” është një fermë e re, e cila përzgjodhi të hapte një aktivitetet të larmishëm në një periudhë shumë të vështirë, në gusht të vitit 2020. Ferma është e vendosur në mes të kodrinave me ullishte. Pronari është një fermer shumë i apasionuar pas kuzhinës dhe artit të gatimit. Pas një përvoje të gjatë në Itali, ai u kthye në Shqipëri, për të investuar dhe sjellë gjithë eksperiencën e tij. Në këtë fermë do të gjeni gjithçka organike dhe të shërbyer në mënyrë tradicionale dhe autoktone. Aty do të gjeni vreshta, fermë shpendarish, perime, fruta, si dhe një natyrë të mrekullueshme.

Agroturizmi ndodhet në një shtëpi të madhe ferme me dizajn të shkëlqyeshëm fshatar, atmosferë intime dhe ndenjëse të rehatshme me dritare të mëdha xhami. Përveç ekipit të tij të mrekullueshëm të kamerierëve miqësorë dhe kuzhinierëve me përvojë shumëvjeçare në përgatitjen e ushqimit, menuja e saj përfshin spinaq të freskët, byrekë dhe hell mishi, pulë të pjekur në skarë, koftë dhe gatime të tjera të përgatitura me përbërës organikë dhe të shërbyer me pije premium.

Peizazhi përreth restorantit është shumë i bukur dhe ndryshon në varësi të stinës, duke krijuar copëza arti për kënaqësinë e të parit dhe të shijuarit. Stafi i shërbimit është një aset shumë i fortë për t’u përmendur, sepse janë shumë të sjellshëm dhe profesionistë dhe përpiqen të bëjnë më të mirën për ta bërë përvojën tuaj sa më të këndshme.

Rezervoni tavolinën tuaj për të shijuar një drekë të përgatitur me standardet më të larta të gatimit.
Lumturia nuk mund të blihet, ama ju mund të vizitoni “Kodrën e Gjelbër” për të provuar këto specialitete që ofrojnë dhe është praktikisht e njëjta gjë!