E veshur me një fustan të tejdukshëm, që nxjerr në pah format, Rihanna mbërriti në tapetin
ngjyrë shampanje të Oscars me barkun e saj të fryrë të ekspozuar me krenari – dalja e saj e parë publike që nga ”Super Bowl” i muajit të kaluar. Këngëtarja, e cila u nominua në kategorinë e këngës më të mirë origjinale të çmimeve, kishte veshur një kombinim busti lëkure dhe fund maxi të markës së stilistit Alaïa, të vendosur mbi një rrjetë. Ajo e kompletoi pamjen që binte në sy me të kuqen e ndezur në buzët dhe te thonjtë e saj.
Këngëtarja, e cila është në pritje të fëmijës së saj të dytë me A$AP Rocky-in, më vonë performoi këngën e saj “Lift Me Up”, nga “Black Panther: Wakanda Forever”, duke u ndërruar në një veshje tjetër nga Maison Margiela. Busti i zi i zbukuruar me kristale dhe pantallonat me lule, me thekse të arta, u bënë me porosi për të nga drejtori kreativ i markës, John Galliano dhe u kompletua me doreza lëkure të zeza deri në bërryla.
Për pamjen e saj të tretë të natës, Rihanna kaloi në një bust me ngjyrë të gjelbër me nenexhik dhe një fund të ngjashëm nga Bottega Veneta. Ajo pozoi për foto me A$AP Rocky përpara se të bashkohej me turmën për të parë pjesën tjetër të shfaqjes. Kënga e nominuar, kënga e saj e parë në gjashtë vjet, fitoi gjithashtu një nominim në “Golden Globe Awards” në janar. Në të dyja çmimet, ajo u ndesh me këngëtaren Lady Gaga, kënga e së cilës “Hold My Hand” u shfaq në “Top Gun: Maverick”. Si çmimi Oscar ashtu edhe Globi i Artë përfundimisht shkuan për këngën “Naatu Naatu” nga filmi indian “RRR”.
Rihanna zbuloi shtatzëninë e saj gjatë performancës së saj në pjesën e parë të “Super Bowl” në shkurt. Ajo gjithashtu u vesh nga Alaïa-n atë mbrëmje, si pjesë e një kompleti krejt të kuq të bërë me porosi, i cili gjithashtu shfaqte dizajn të markës spanjolle Loewe. Ylli ka ndihmuar në rimodelimin e modës së lehonisë, duke u veshur me guxim gjatë gjithë shtatzënisë së saj të parë me bluza dhe komplete të tejdukshme dantelle.
“Kur mora vesh se isha shtatzënë, mendova me vete: “Nuk ka mundësi të bëj pazar në asnjë dyqan materniteti”.
Më vjen keq – është shumë argëtuese të vishesh”, tha ajo për Vogue për kopertinën e revistës në maj 2022.
“Nuk do ta lë atë pjesë të zhduket sepse trupi im po ndryshon”.