Cameron Diaz nuk është më “në veprim”.
Aktorja thuhet se do të tërhiqet përgjithmonë nga karriera e saj e aktrimit pasi të përfundojë filmin e Netflix “Back in Action” me Jamie Foxx, në mënyrë që të fokusohet të jetë nënë e vajzës së saj 3-vjeçare, Raddix.
   

  “Këto ditë pune 10-orëshe të njëpasnjëshme kanë qenë shumë për të dhe ajo e urren të qenit larg Raddix,” tha një burim i afërt me Diaz për Daily Mail të hënën.
 ‘Cameron pëlqen të jetë nënë më shumë se çdo gjë tjetër në botë.”

   Ndërsa bashkëshorti i Diaz-it, Benji Madden, është mbështetës i karrierës së saj të aktrimit, koha e saj në xhirime me sa duket “ka qenë e tepërt për të”. “Edhe pse ajo ka arritur të shohë familjen e saj gjatë xhirimeve të filmit, nuk është e njëjta gjë,” pohoi burimi i brendshëm.

   Diaz, 50 vjeç dhe Madden, 44 vjeç, u martuan në vitin 2015 dhe mirëpritën Raddix në 2019.
Një vit para pritjes së fëmijës së tyre, Diaz konfirmoi se ajo ishte tërhequr nga aktrimi.
Por aktorja e “Charlie’s Angels” i befasoi fansat kur u rikthye në aktrim për të luajtur së bashku me Foxx, 55 vjeç, në filmin e ardhshëm aksion-komedi të Netflix, i cili thuhet se do dalë në vitin 2024.

   Megjithatë, burimi shpjegoi se Diaz “urren” “dramën dhe konfrontimin” që vjen me punën në Hollywood.
“Kjo është arsyeja pse ajo u tërhoq nga biznesi në radhë të parë,” shpjegoi burimi. “Ajo tashmë e ka treguar veten në industri dhe nuk ka asgjë për t’i provuar askujt.”