Pronari i Facebook, Mark Zuckerberg është bërë baba për herë të tretë.
Drejtori i Meta-s ka postuar në Instagram për të ndarë lajmin e mirë me ndjekësit e tij.
Duke hedhur një foto të adhurueshme të vajzës së tij të vogël, Zuckerberg shkroi:
“Mirë se erdhe në botë, Aurelia Chan Zuckerberg! Ti je një bekim i vogël.”
   Një nga fotot tregon foshnjën të mbështjellë me një pulovër shumëngjyrëshe dhe shefin e
Metës duke e parë me adhurim. Një tjetër tregon gruan e Zuckerberg, Priscilla Chan, duke
përqafuar të porsalindurën. Postimi u bë shpejt viral në Instagram dhe grumbulloi më shumë se një milion pëlqime.
   Shumë nga ndjekësit e Zuckerberg e uruan çiftin në pjesën e komenteve. “Urime ty dhe Priscilës për një tjetër vajzë të bukur”, ka shkruar një përdorues në Instagram. Disa, nga ana tjetër nuk e rezervuan humorin “Sa mirë është të mos shqetësohesh për humbjen e punës gjatë kësaj kohe të jashtëzakonshme me familjen tënde,” shkroi një tjetër.

   Bashkëthemeluesi i Facebook njoftoi lajmin për shtatzëninë e gruas së tij në shtator të vitit të kaluar, ai shkroi: “Shumë dashuri. I lumtur të ndaj që Max dhe August do të kenë një motër të re vitin e ardhshëm”.
   Çifti tashmë janë prindër të dy vajzave, Augustit pesëvjeçare dhe Maxima ose ‘Max’ shtatëvjeçare. Chan është një pediatre e trajnuar. Si studente e Universitetit të Harvardit, Chani mori diplomën e saj mjekësore nga Universiteti i Kalifornisë. Dyshja u njohën dhe u dashuruan gjatë studimeve në Harvard.

   Në vitin 2010, ata u transferuan së bashku në një apartament dhe në vitin 2012 ata u martuan menjëherë pasi Chan mbaroi shkollën e mjekësisë dhe Zuckerberg bëri publike kompaninë e tij. Ata kaluan muajin e mjaltit në Itali dhe u panë duke ngrënë burgers McDonald’s në një restorant atje.