Keisi Medini ka reaguar ashpër përmes një statusi në Instagramin e saj lidhur me komentet e shumta që janë bërë ndaj saj gjatë qëndrimit në BBV.

Ajo është shprehur se këto komente kanë lënduar prindërit e saj dhe se sinqeriteti i dëshmuar nga ajo është marrë për dobësi.

“Hodhët vrer mbi emrin tim. Shpifët dhe gjykuat veprimet e mia. Më shqetësuat ata që më sollën në këtë jetë, prindërit e mi, mallkuat e shpifët, më vendosët tituj, e epitet, aq më tepër edhe ‘e lidhur’. Folët me aq kofidenca për gjërat e mia. Treguat gjithë urrejtjen që patët brenda vetes për një 22-vjeçare që s’bëri asgjë të shëmtuar në atë shtëpi, nuk ofendoi e lëndoi njeri. I dha përqafim çdo banori, u përpoq të falte sa më shumë dashuri dhe të ishte ajo vajza e vogël e shtëpisë që sjell vetëm buzëqeshje. E morët për dobësi sinqeritetin tim gjithashtu dhe naivitetin e tepruar. Unë prap do buzëqesh akoma më shumë dhe jam më e fort se kurrë, po s’do lejoj më njeri të hedhë baltë mbi emrin tim”, – shkroi më tej ajo.

Siç duket përballja me komentet e shumta e kanë revoltuar banoren dhe e kanë detyruar të marrë dhe masa.