Tema e mbrëmjes së Met Gala 2023 i është kushtuar punës së një prej stilistëve më të mëdhenj që ka njohur moda, Karl Lagerfeld.

Ekspozita e këtij viti është quajtur “Karl Lagerfeld: A Line of Beauty” dhe do të hapet në mes të majit 2023.

Pranë Anna Wintour si mikpritëse do të shohim aktoren dhe ambasadoren e Chanel Penélope  Cruz , këngëtaren shqiptare Dua Lipa, skenaristen  Michaela  Coel  dhe ish-tenistin profesionist Roger  Federer.

Ashtu siç pritej, yjet më të mëdhenj dolën në shkallët e famshme të Muzeut Metropolitan të Artit në Nju Jork për Met Gala 2023 duke lënë me gojën hapur publikun me veshjet e tyre.

Shumica e të ftuarve zgjodhën pamjet bardh e zi, paleta e preferuar e ngjyrave të Lagerfeldit, dhe kishte shumë, perla, zinxhirë dhe kamelia.