“Padel, një sport i ri i cili po përhapet në mënyrë marramendëse në të gjithë botën është rritur së fundmi me shumë shpejtësi edhe në Shqipëri.

Sekreti i këtij sporti është se është i përshtatshëm për të gjithë pa dallim moshe, aftësie fizike apo përvoje në sport dhe kjo bën që Padel të kthehet në një trend të vërtetë.

Padel në ndryshim nga Tenisi luhet 2 kundër 2, fusha është rreth 25% më e vogël se sa fusha e Tenisit, është e rrethuar me xham dhe pjesërisht rrjetë metalike që e bën lojën e Padel më zbavitëse dhe dinamike.

Në më pak se 1 vit në Shqipëri është krijuar APA (Albania Padel Association) nën mbështetjen e APG (Albania Padel Group), që ka marrë menjëherë vëmendjen e FIP (Federata Ndërkombëtare e Padel) e cila njohu ndërkombëtarisht edhe APA si e vetmja Shoqatë Shqiptare e Padel anëtare e FIP.

Pas shumë pune, këmbëngulje dhe dedikimi më në fund në datat 10-14 Maj 2023 do të kemi për herë të parë në Shqipëri një Turne Ndërkombëtar të një niveli të lartë në bashkëpunim të APG dhe APA me FIP, ku pritet të vijnë rreth 32 ekipe nga Italia, Spanja, Britania e Madhe, Gjermania, Hollanda, Novergjia etj.

Edhe Shqipëria e Kosova do të kenë ekipet e tyre përfaqësuese të denja për këtë event.

@albaniapadelgroup

@albaniapadelassociation