Charles III mori zyrtariasht kurorën e monarkisë në një ceremoni madhështore.

Kjo është hera e parë në shtatë dekada që një monark i ri britanik është kurorëzuar zyrtarisht.

Kryepeshkopi i Canterbury Justin Welby vendosi kurorën e Shën Eduardit mbi kokën e Charles III i cili ishte i mbuluar nga veshja dhe simbolet e florinjta.

Ceremonia nisi me procesionin nga Buckingham Palace drejt Abacisë së Westminster-it. Charles III dhe bashkëshortja Camilla udhëtuan e karrocën e krijuar në 2014-n për Jubileun e Diamantë të nënës së tij, Mbretëreshës Elizabeta, mes ovacioneve të qindra mijëra qytetarëve që kishin dalë në rrugë, në Londrën e blinduar nga policia.

Shërbesa u drejtuar nga Arqipeshkvi i Canterbury-t, në prani të rreth 2200 të ftuarve, mes të cilëve krerë shtetesh dhe pjesëtarë të familjeve mbretërore në botë.